Die Afrikaanse Voorvrystellingsweergawe van Legacy 6

 

Let wel: hierdie is die finale weergawe van Legacy 6 (weergawe 190) - geen nuwer weergawes van Legacy 6 gaan vrygestel word nie, aangesien Legacy 7 reeds vrygestel is. Legacy 7 kan hier afgelaai word.

Belangrik: Ons beveel aan dat jy asseblief eers hierdie hele bladsy sal deurlees voordat jy die Voorvrystellingsweergawe van Legacy 6 aflaai en installeer

Hierdie webwerf is nie bedoel vir persone wat met die amptelike (Engelse) uitgawe van Legacy 6 wil werk nie, maar wel vir diegene wat graag met die Afrikaanse Voorvrystellingsweergawe oftewel Publieke Toetsweergawe wil werk. Daar word beplan om internasionale weergawes van Legacy vry te stel vir 'n hele aantal tale, waaronder Afrikaans. Daar is egter nog een of twee funksies wat ons graag in die vertaalde weergawes wil sien voordat ons die vertaalde programme amptelik vrystel. Hierdie funksies beïnvloed geensins die werking van hierdie uitgawe nie. Behalwe hiervoor is die Voorvrystellingsweergawe dus net so stabiel as die amptelike Engelse weergawe, en het dit slegs ekstra meertalige moontlikhede.

Aangesien ons graag die program so goed as moontlik wil afrond voordat ons dit amptelik vrystel, sal ons dit baie waardeer indien jy vir ons sal aanmeld as 'n Publieke Toetser en dan sal deelneem aan die toetsproses van die Afrikaanse Voorvrystellingsweergawe van Legacy sodat ons die program as 'n mooi afgeronde produk kan vrystel.

As jy alreeds 'n ouer weergawe van Legacy op jou rekenaar het (byvoorbeeld weergawe 4 of 5), dan is dit, om veilig te speel, altyd verstandig om eers rugsteunkopieë van al jou familielęers te maak voordat jy hierdie weergawe aflaai. Jy moet in elk geval 'n afsonderlike gids ("directory") vir hierdie voorvrystellingsweergawe skep onder jou C-skyf (byvoorbeeld C:\LegacyPre6). Dit is soms verwarrend om twee weergawes van die program op jou rekenaar te hę, en dus sou ons jou aanraai om, sodra jy voldoende vertroue in die werking van die nuwe weergawe het, en nie meer regtig die ouer weergawe gebruik nie, eerder die ouer weergawe van jou rekenaar te verwyder (sien hieronder vir aanwysings).

As jy reeds die Engelstalige "General Release" weergawe 6 op jou rekenaar geïnstalleer het, dan moet jy eers die "General Release" weergawe verwyder, aangesien die Afrikaanse Voorvrystellingsweergawe, en die Engelse "General Release" van weergawe 6 nie saam kan funksioneer nie. Dit veroorsaak probleme met bywerkings ("updates"). Voordat jy die "General Release" verwyder is dit ook weereens 'n goeie idee om altyd rugsteunkopieë van al jou familielęers te maak.

 

Belangrik!

Windows 98 gebruikers

Legacy 6 werk wel (alhoewel miskien stadiger) op sommige rekenaars met Windows 98 as bedryfstelsel. Die werking van Legacy onder hierdie bedryfstelsel is egter baie afhanklik van die rekenaar se apparatuur (hardeware) en programmatuur (sagteware). Alvorens jy die Deluxe weergawe aanskaf, sal dit raadsaam wees om eers die Standaard weergawe te installeer en seker te maak dat dit bevredigend onder die Windows 98 bedryfstelsel op jou rekenaar werk.
Wenk: Moenie Legacy 5 van jou rekenaar verwyder alvorens jy absoluut seker is dat die vrystelling van Legacy 6 goed werk nie (bewaar dus jou Legacy 5 kliëntenommer indien jy een het).

Die verwydering van 'n Legacy installasie

Indien jy dit nodig vind om een van die Legacy weergawes te verwyder, moet jy dit beslis NIE op die Windows manier doen om programme te verwyder nie. In so 'n geval word soms ook lęers verwyder wat ander weergawes van Legacy gebruik. Jy sal sulke lęers dus weer opnuut moet installeer.

Om 'n enkele weergawe van die Legacy program te verwyder moet jy die UNWISE.EXE nutsprogram gebruik. Jy kry hierdie program in dieselfde gids as waarin die Legacy weergawe is wat jy wil verwyder. Hierdie program bied jou drie opsies waaruit jy kan kies: 'Automatic', 'Custom' en 'Repair'.

Volg die volgende stappe ten einde die betrokke program te verwyder:

• Dubbel-klik op die Unwise.exe lęer/ikoon in die betrokke gids (bv. C:\Legacy6).
• Kies die Custom-opsie en klik op die Next > knoppie.
• In die volgende skerm klik op die Select All knoppie en dan op die Next > knoppie.
     Dit sal al die programlęers wat nie nodig is nie, later verwyder.
• Die volgende skerm vertoon 'n aantal Windows\System32 lęers. Klik op die Select None knoppie en dan op die Next > knoppie.
     Hierdie lęers word ook deur ander weergawes van Legacy gebruik. MOET DIT NIE VERWYDER NIE!
• In die derde skerm klik op die Select All knoppie en dan op die Next > knoppie.
     Dit sal al die onnodige gidse later verwyder.
• In die daaropvolgende skerm klik op die Select All knoppie en dan op die Next > knoppie.
     Dit sal al die onnodige inskrywings in die 'Registry' later verwyder.
• Indien jy absoluut seker is dat jy die program wil verwyder, klik dan laastens op die Finish knoppie.

Op hierdie wyse sal slegs die verlangde weergawe verwyder word, maar nie die dll-lęers wat vir ander weergawes van Legacy benodig word nie.

Maak eers 'n Rugsteunkopie van al jou data voordat jy 'n bywerking installeer!

As jy al voorheen met Legacy gewerk het en dus 'n familielęer gemaak het, behoort jy gereeld jou data te beveilig deur 'n rugsteunkopie daarvan te maak. Jy doen dit deur in Legacy in die kieslys op "Lęer" ("File") en dan "Rugsteun Familielęer..." ("Backup Familyfile...") te klik, en wanneer die rugsteun klaar gemaak is, daarna op "Rugsteun Multimedialęers..." ("Backup Multimedia Files...") te klik. Legacy vra vir jou 'n naam vir die rugsteunlęer en dit word dan as 'n ziplęer in die vouer "...\Data" in jou Legacy gids, gestoor. Dit is ook slim om 'n kopie op 'n ander plek (soos op 'n CD of ander bergingsvorm) te bewaar.

Dit is 'n goeie gewoonte om gereeld rugsteunkopieë van jou data te maak en ook op ander plekke te bewaar - talle persone het al trane en frustrasie deurgegaan oor jare se data wat in 'n oogwink deur 'n "rekenaarglipsie" vernietig is!

 

Prosedure vir Installering

Die volgorde van installering is afhanklik van jou spesifieke situatie:

Vir diegene wat nog nie die Voorvrystellingsweergawe van Legacy 6 geïnstalleer het nie.

1. Laai die nuutste weergawe van Legacy af deur op die skakel hieronder by "Volledige installasie..." te klik.
2. Voer die afgelaaide program uit deur daarop te dubbelklik.
3. Die installasieprogram sal vra in watter taal jy die installasie wil doen. Kies "Afrikaans" (alhoewel jy enige taal kan kies aangesien dit nie `n verskil aan die installasie sal maak nie).
4. Nou vra die installasieprogram na die plek waar Legacy gestoor moet word. Indien jy niks verander nie sal Legacy voorvrystellingsweergawe in die gids C:\Legacy gestoor word. Indien jy dit anders sou wou hę, byvoorbeeld as jy reeds `n ander weergawe van Legacy op jou rekenaar het, dan kan jy die regte posisie vir die installasie van die gids kies (bv. iets soos C:\LegacyPre6). Die Voorvrystellingsweergawe van Legacy 6 kan egter nie saam met die Engelstalige weergawe 6 ("General Release") geïnstalleer word nie. Jy moet dus `n keuse maak en indien jy die Afrikaanse Voorvrystellingsweergawe verkies, moet jy eers die Engelstalige "General Release" verwyder voordat jy die Voorvrystellingsweergawe installeer. Let asseblief daarop dat jy wel tussen Afrikaans en Engels in die Voorvrystellingsweergawe kan wissel, so jy verloor nie die opsie om ook in Engels te kan werk as jy slegs die Voorvrystellingsweergawe gebruik nie
   
5. Laai nou die Taallęer wat by die weergawe van die program pas hieronder af en installeer dit in die gids waar jou program geïnstalleer is.
6. Die Afrikaanse Helplęer kan daarna ook van hierdie webwerf afgelaai word (sien help bladsy).

Vir diegene wat alreeds die Voorvrystellingsweergawe van Legacy 6 geïnstalleer het

1. Maak `n rugsteun van jou familielęer! (Sien hierbo).
2. Sluit Legacy af.
3. Laai nou die nuwe weergawe van Legacy af deur op die skakel hieronder by "Volledige installasie..." te klik.
   
4. As jy die hele lęer afgelaai het, voer dit uit, en die nuwe weergawe sal outomaties oor die oue geskryf word.
5. Laai nou die Taallęer wat by die weergawe van die program pas hieronder af en installeer dit in die gids waar jou program geïnstalleer is.
6. Let wel, wanneer jy `n waarskuwing kry dat jy `n ou weergawe van die taallęer het, moet jy Legacy afsluit en `n nuwe weergawe van die taallęer van hierdie webwerf aflaai (sien hieronder), en in die Legacy gids plaas.
7. As alles goed verloop het is jy nou slaggereed om te begin met jou nuwe Afrikaanse voorvrystellingsweergawe van Legacy!
   

   As jy probleme het met die installasie, kan jy om hulp vra in die Publieke Toetsgroep
   

 

Volledige installasie van Legacy 6 Voorvrystellingsweergawe 190, datum: 28 Februarie 2008 , lęergrootte: 33.7 Mb

Klik op die skakel Legacy6Setup-28-02-2008.exe om die laaste weergawe van Legacy 6 af te laai.

 

Let wel! Hierdie is die finale weergawe van Legacy 6 (weergawe 190) - geen nuwer weergawes van Legacy 6 gaan vrygestel word nie, aangesien Legacy 7 reeds vrygestel is. Legacy 7 kan hier afgelaai word.

Let wel! Moet asseblief nie die "Bywerkings" funksie op die "Legacy Tuis" venster in Legacy 6 Voorvrystellingsweergawe gebruik om hierdie Voorvrystellingsweergawe by te werk nie. Dit veroorsaak somtyds probleme. Kom kyk eerder weer op hierdie bladsy van ons webwerf vir die nuutste voorvrystellingsweergawe en laai dit saam met die taallęer (sien hieronder) van hierdie webblad af.

 

Aflaai van die Afrikaanse Taallęer vir die Voorvrystellingsweergawe van Legacy

Om die program in Afrikaans te laat funksioneer, benodig jy 'n taallęer wat met die program gesinchroniseer is. Indien die program en die taallęer nie van dieselfde vrystelling is nie, sal die program 'n foutboodskap gee sodra dit begin. Dit is `n goeie idee om maar altyd ook die nuutste taallęer vanaf hierdie webwerf af te laai as jy `n nuwe weergawe van die Voorvrystellingsweergawe van Legacy aflaai, om seker te maak dat jy die nuutste vertalings het.

Klik op die skakel Legacy6Alt-version190.zip om die nuutste taallęer af te laai. Hierdie lęer is ongeveer 5.3Mb groot.
Wanneer die proses vra waar om die lęer te plaas, plaas dit dan in die gids waar jou program geïnstalleer is, of geïnstalleer gaan word.

Wagwoord

Indien die program gedurende installasie vir `n wagwoord ("password") vra, vul dan die woord family (in kleinletters!) in.  
Let wel! Indien Legacy in Engels begin, soek dan in die Kieslys onder "Opsies" vir "Kies Taal..." en klik op "Afrikaans". Open dan weer die program en dit sal nou in Afrikaans vertoon. Indien jy dit later weer wil verander na `n ander taal, dan kies jy net weer die ander taal op dieselfde manier.

 

Omskakeling van die Standaard weergawe van Legacy na die Deluxe weergawe

Indien jy `n Legacy Deluxe kliëntenommer het (m.a.w. jy het reeds die Deluxe uitgawe aangekoop), kan jy dit gebruik om die ekstra funksies in die Voorvrystellingsweergawe van Legacy 6 te ontsluit. Legacy gebruik net een nommer vir beide die "General Release" en Voorvrystellingsweergawe, en dus kan jy jou nommer van die Engelstalige Legacy 6 Deluxe "General Release" ook vir die voorvrystellingsweergawe gebruik. In Legacy, gaan na "Help" in die kieslys, en voer jou kliëntenommer in om die Standaardweergawe om te skakel na die Deluxe weergawe.

 

Hoe om die Afrikaanse Voorvrystellingsweergawe te verwyder en terug te keer na die Engelstalige "General Release" weergawe

Soos hierbo genoem, mag die Afrikaanse publieke toetsweergawe (voorvrystellingsweergawe) en die Engelstalige "General Release" weergawe nie saam geïnstalleer word nie, aangesien dit probleme veroorsaak omdat die rekenaar dit as dieselfde program sien. Indien jy graag om één of ander rede heeltemaal terug wil gaan na die Engelstalige "General Release" weergawe van Legacy 6, volg dan die volgende instruksies (let wel, soos hierbo genoem, dat jy ook in Engels in die Voorvrystellingsweergawe kan werk, en dit is dus glad nie nodig om die "General Release" te herinstalleer net om in Engels te kan werk nie):

1. In Legacy onder "Opsies", klik op "Kies Taal..." en kies dan "English - United States". Legacy word dan outomaties afgesluit.
2. Open weer Legacy. Nou is die taal wat gebruik word Engels, en alles in die program sal in Engels vertoon word, behalwe die gedeeltes in jou familielęer wat jy in Afrikaans ingevoer het.
3. Sluit Legacy af en verwyder dan self die volgende lęers uit die Legacy gids (BAIE BELANGRIK: MOET NIKS ANDERS AS HIERDIE LEERS VERWYDER NIE):
   LegacyPrerelease.ini
   LegacyAlt.lng
   *.usr (Alle lęers met die uitbreiding .usr moet verwyder word)

Hierna sal Legacy as die gewone Engelstalige "General Release" program begin en moet jy in die vervolg dan ook weer die "updates" soos in die verlede vanaf die Engelstalige website www.legacyfamilytree.com aflaai. Let Wel: Al jou persoonlike instellings sal ook verwyder wees en jy sal dus weer hierdie opsies moet instel onder "Opsies", "Pasmaak".
Baie dankie dat jy die Afrikaanse Voorvrystellingsweergawe van Legacy gekies het om jou familienavorsing te orden. Ons wens jou alle voorspoed toe met die navorsing !